انتقام الصمت كامله
مدام سارة؟! دي جناية، وتزوير، والشرطة
قاطعته وأنا بطلع من محفظتي كارت قديم جداً، كارت عليه شعار جهاز سيادي مبيطلعش للعلن، وقولتله بصوت واطي كلم الرقم ده.. وقوله الأفعى رجعت للخدمة.. وهو هيخلص كل الأوراق الرسمية في ثواني. بنتي لو مروان عرف إنها عايشة، هيدخل هنا يقت..لها بفلوسه ونفوذه. لازم يفتكر إنه نجح.. عشان الصدمة تنهيه.
الخطة.. وبداية الكابوس
في أقل من ساعتين، الخبر انتشر زي النار في الهشيم وفاة ابنة السيدة سارة، وزوجة رجل الأعمال الشاب مروان السيوفي، متأثرة بجراحها إثر حادث سير غامض! وده السيناريو اللي مروان وحماتها جهزوه مع شوية شهود زور.
في فيلا التجمع الخامس، مروان كان قاعد حاطط رجل على رجل، بيشرب كاس، ووالدته إلهام هانم بتعدل عقد الألماظ بتاعها قدام المراية وبتقول ببرود قولتلك يا مروان، البنت دي بيئتها فقر.. أهو غارت وماتت باللي في بطنها، والبوليس قفل المحضر ضد مجهول، وفلوسنا لجمت الكل.
مروان ضحك بغرور أنا بس اللي مضايقني مضرب الجولف بتاعي اتوشخ دم.. بس فداها، المهم نخلص من قرفها وقرف أمها الغلبانة اللي مش باينلها صاحب دي.
وفجأة.. أنوار الفيلا كلها قطعت.
التكييفات وقفت،
إيه ده؟ فين السيرفر؟ فين الحرس؟ مروان زعق وهو بيقوم من مكانه.
وفجأة، شاشة العرض الكبيرة اللي في الصالون نورت لوحدها.. وظهرت عليها صورة.. صورة نور وهي غرقانة في دمها في موقف الأوتوبيس، وتحتها صوت بيبكي ويصرخ.. صوت نور وهي بتقول حرام عليك يا مروان.. ابني!
إلهام هانم صرخت ورجعت لورا إيه ده؟! مين اللي بيشغل القرف ده؟!
صوت جهوري، بارد، طالع من سماعات الفيلا كلها رد عليها القرف ده هو اللي هيقبركم وعايشين فيه.
الباب الرئيسي للفيلا اتفتح ببطء.. ودخلت أنا.
بس مكنتش سارة المكسورة اللي شافوها في الفرح من تلات سنين.. كنت لابسة أسود بالكامل، وفي إيدي شنطة دبلوماسية، وحوالي عشر رجالة من الحرس الخاص مدججين بالس..لاح، قفلوا كل مخارج الفيلا في ثواني.
المواجهة
مروان اتراجع لورا وخوفه بدأ يظهر بس حاول يداريه أنتِ.. أنتِ دخلتي هنا إزاي؟ والمسخرة اللي على الشاشة دي إيه؟ بنتك ماتت في حادثة، اطلعي برة وإلا هطلبلك البوليس!
ضحكت ضحكة عالية رنت في صالة الفيلا الفاضية بوليس؟ اطلبه يا مروان بيه.. اطلب وزير الداخلية بنفسه لو تحب. بس قبل ما تطلب، افتح الشنطة دي.
رميت الشنطة
جوه الشنطة مكنش فيه فلوس.. كان فيه ملفات، وفلاشات، وتقارير رسمية مختومة بالنسر.
إيه.. إيه ده؟ مروان وشه بقى أبيض زي الورقة وهو بيقرا العناوين.
قعدت على الكرسي بكل ثقة وقولت ده تاريخ عيلة السيوفي الأسود.. تهريب الآثار برة مصر، غسيل الأموال في شركات المقاولات بتاعتك، والشحنة الأخيرة بتاعة الس..لاح السري اللي دخلت المينا باسم شركتك من أسبوع.. كل ده متسجل بصوتك وصورتك، وبعلم جهات أنت نفسك متتخيلش إنها فوق القانون.
إلهام هانم بدأت تنهج ووقعت على الكنبة أنتِ.. أنتِ مين؟! أنتِ كنتِ مجرد ست غلبانة ومطلقة وعايشة في شقة إيجار!
أنا العقيد سارة الرفاعي.. خبيرة المخابرات والجر..يمة المنظمة السابقة، اللي استقلت من تلاتاشر سنة عشان أربي بنتي في هدوء بعيد عن الدم. وقفت وقربت من مروان لحد ما بقيت في وشه بالظبط، وعيني كانت بتطلع شرار كنت فاكرة إن الدنيا هتحترم سكوتي.. بس أنت وعيلتك جهلة.. افتكرتوا الأدب ضعف، وافتكرتوا النفوذ بالفلوس.. مكنتوش تعرفوا إن مكالمة واحدة مني تفرتك عيلتكم وتجيب عاليها واطيها.
مروان وقع على ركبه، وبدأ يعيط بانهيار أرجوكي.
بصيتله بقرف واحتقار، وتفيت على الأرض تحت رجله فلوسك دي هتحضر بيها جنازتك وجنازة أمك.. القانون مش هيسجنكم بس.. القانون هيجيبكم الأرض.. ومن غير ما أوسخ إيدي بنقطة بنزين.
النهاية العادلة
في نفس الليلة.. اقتحمت قوات العمليات الخاصة الفيلا بناءً على الملفات السيادية اللي قدمتها. وتم القبض على مروان السيوفي وإلهام هانم بتهم الخيانة العظمى، تهريب الس..لاح، وغسيل الأموال، وطبعاً.. محاولة الق..تل العمد لشخصين نور والجنين.
وبعد مرور شهر كامل..
كنت قاعدة في أوضة المستشفى، والشمس كانت طالعة ومالية الأوضة دفا.
نور فتحت عينيها بالكامل.. بصت حواليها، وشافتني.
دموعها نزلت، بس المرة دي كانت دموع راحة. حطت إيدها على بطنها المنتفخة، والدكتور أحمد دخل وابتسم وقال الجنين زي الفل يا نور.. ومامك عملت معجزة.
نور بصتلي بصوت ضعيف بس مليان حب ماما.. مروان وإلهام فين؟
مسكت إيدها، وبست راسها وقولت والابتسامة على وشي مروان وأمه في المكان اللي يستحقوه يا قلب أمك.. في قاع جهنم في الدنيا.. والفضة
