الفتاه التي انقذت الملياردير
لعمر وصرخت بالعربي الفصيح بسرعة
الشرطة وصلت من الشارع الخلفي اهربوا
اتنين من رجالة عمر لفوا تلقائي ناحية الشارع
وفي اللحظة دي مريم غرزت سنانها في إيده بكل قوتها
عمر صرخ وسابها
فريد ضربه بمؤخرة المسدس في وشه وداليا شدت مريم جوه العربية
العربية اتحركت بسرعة مرعبة وسط الرصاص
آخر حاجة شافتها مريم قبل ما يلفوا من الشارع كانت ياسين واقع على الأرض لكنه لسه رافع سلاحه يحميهم
وكان عمر الصواف واقف وسط النار والمطر ووشه كله دم وهو بيبصلها كأنه وعد نفسه إنه مش هيسيبها تهرب مرة تانية
العربية كانت بتجري في شوارع القاهرة زي طلقة هاربة والمطر بيخبط في الإزاز بعنف ومريم قاعدة في النص بين نادية وفريد وهي لسه بتتنفس بصعوبة
داليا كانت سايقة بإيد ثابتة رغم الرصاص اللي كان لسه معلم على باب العربية
فريد بص وراه آخر مرة
ياسين؟
داليا ضغطت على دواسة البنزين أكتر وسكتت
والسكوت كان كفاية
مريم حسّت قلبها وجعها فجأة ياسين اللي قابلته من ساعات قليلة بس كان أول حد يبصلها كإنها مهمة مش عبء
نادية لمست إيدها بهدوء
هو عرف بيعمل
بعد نص ساعة العربية دخلت جراج قديم تحت مبنى مهجور في وسط البلد
داليا قفلت الأنوار وقالت
محدش يعرف المكان ده غيري
فريد نزل بسرعة وفتح الباب لنادية لكن أول ما وقفت ترنحت
الدم كان مغرق هدومها أكتر من الأول
مريم مسكتها بخضة
ستي
نادية ابتسمت بالعافية
لسه قدامي شوية
طلعوا فوق لشقة قديمة مستخبية وسط مكاتب مقفولة من سنين والهدوء فيها كان مرعب بعد دوشة الرصاص
فريد حط الفلاشة الصغيرة على الترابيزة وبصلها كأنها وزن عمره كله
بسبب الحاجة دي ناس ماتت
داليا ردت ببرود
ولو متنشرتش ناس أكتر هتموت
مريم بصت بينهم
نعمل إيه؟
فريد سكت شوية وبعدين خد قرار أخير
هننشر كل حاجة
نادية رفعت عينها له
متأكد؟
ضحك ضحكة حزينة
أنا ضيعت نص عمري ساكت
داليا فتحت اللاب القديم بسرعة ووصلت الفلاشة
ملفات وصور وحسابات واتفاقات طلعت على الشاشة
أسماء وزراء ورجال أعمال وضباط وتحويلات بملايين
وملف واحد متعلم بالأحمر
ضحايا النفق
مريم حست جسمها ساقع
إيه ده؟
فريد قرب ببطء وفتح الملف
صور
ناس كتير
رجالة وستات
ووسطهم صورة شاب صغير واقف جنب ياسين
فريد
أخو ياسين
داليا بصت للشاشة بصدمة
سليم كان بيخطف الناس اللي بيعرفوا أسراره
وفجأة الموبايل اللي جنب اللاب رن
الكل اتجمد
فريد رد بحذر
مين؟
صوت عمر الصواف طلع هادي بشكل مخيف
خلصتوا فرجة؟
مريم اتشبثت بجدتها
عمر كمل
إنت فاكر لو نشرت الملفات هتكسب؟ البلد كلها متوصلة ببعض يا فريد
فريد قال بكره
أنت انتهيت
عمر ضحك
بالعكس بص حواليك
وفي نفس اللحظة نور الشقة قطع
مريم شهقت
وصوت خطوات طلع من برة الباب
داليا همست
إزاي وصلوا هنا؟
فريد بص لها فجأة
وداليا فهمت الاتهام في عينيه قبل ما يتكلم
لأ قالتها بسرعة أنا مبعتش حد
لكن فات الأوان
الباب الخارجي اتفتح بعنف
رجالة دخلوا بالسلاح
وفجأة داليا طلعت مسدسها وضربت أول اتنين دخلوا
انزلوا الأرض
الرصاص انفجر في المكان
فريد خد مريم وستخبى بيها ورا الكنبة ونادية كانت بتحاول تقوم رغم جرحها
داليا كانت بتضرب بجنون وهي بتصرخ
نزّلوا الملفات حالًا
مريم بصت للشاشة
زر واحد بس وكان كل شيء هيتبعت للصحافة والنيابة وكل القنوات
لكن واحد من المسلحين شاف اللاب وجري عليه
مريم خرجت من مكانها
فريد صرخ
مريم لأ
لكنها كانت أسرع
زقت الراجل بكل قوتها وضغطت الزر
وفي نفس الثانية الرصاصة خرجت
صوتها دوى في الأوضة
وجسم مريم وقع على الأرض
فريد صرخ باسمها بجنون
ونادية شهقت وهي بتحاول تزحف ناحيتها
لكن اللاب كان بالفعل بيبعت كل الملفات
على كل إيميل
كل جريدة
كل جهة رقابية
كل حاجة خرجت للنور
المسلحين وقفوا مرتبكين وصوت موبايلاتهم بدأ يرن واحد ورا التاني
داليا ضربت آخر واحد فيهم وصرخت
الشرطة جاية
فريد كان راكع على الأرض شايل مريم والدم على إيده
عينيها كانت مفتوحة بالعافية
بصت له وهمست بصوت ضعيف
قولتلك... متتركبش العربية
دموعه نزلت لأول مرة من سنين
خليكي معايا
مريم بصت لنادية وابتسمت ابتسامة صغيرة متعبة
اللغة... باب
وبعدين عينيها قفلت
بعدها بثلاث شهور سليم العطار وعمر الصواف واتنين وعشرين اسم من أكبر رجال الأعمال والمسؤولين كانوا اتحاكموا بعد أكبر قضية فساد وخطف هزت البلد
برج الشناوي اتغير اسمه
وبقى اسمه برج مريم حداد
وفي مدخل البرج اتحطت صورة لبنت بهودي أزرق واسع وعينين أقدم من عمرها الحقيقي
وتحت
لو عرفت أبواب كفاية محدش هيقدر يحبسك في أوضة واحدة
تمت
حكايات انعجى الخطيب
